20
февраль
2017
Мектеп тарихы
Балтакөл совхозы 1965 жылы құрылды.
1965 жылы алғаш директор болып Үбайда Тоқбергенов келді. Ү.Тоқбергенов
совхоз орталығының Ы.Алтынсарин атындағы сегізжылдық мектеп жайын
1967-1968 оқу жылында,"Көлқұдық" сегізжылдық мектебін 1969-1970 оқу
жылында, сондай-ақ "Ақкөл" фермасынан бастауыш мектептің жайын салып
бітіруге басшылық жасады.
1967 жылы тамызда
"Балтакөл" мектеп-интернатынан совхоз орталығында тұратын ата-аналар
балалар оқитын сегізжылдық мектеп болып "Ы.Алтынсарин" мектебі
бөлініп шыкты.Алғаш мектеп болып ашылғанда 9 класс бөлмесі болып,
онда барлығы 380 оқушы екі кезекте оқитын 16 класс комплектісі
болды. Бұған 15 мұғалім сабақ берді.
Мектеп директоры
болып, тарих пәнінің мұғалімі Ақынбеков Жәнеш, оқу ісінің
меңгерушісі болып физика-математика пәнінің мұғалімі Өсербаев
Шәріпбек тағайындалды.Алғаш мектеп ашылғанда парталарды "Балтакөл"
мектеп-интернатынан, ал класс тақталары аудан орталығы Шәуілдір
селосынан әкелінді. Жетісай, Киров аудандарында елді жаппай көшіп
келуіне байланысты мектепте 460 оқушыға дейін өсті.
1970
жылы В.И.Лениннің 100 жылдығына мектеп, облыс көлемінде
сегізжылдықтар ішінде І-орынға шығып мәңгілік сақтауға ескерткіш ту
берілді. Мектеп басшылары мақтау қағаздарын алды. Мектеп директоры
Ақынбеков Жәнеш, Берденбаев Насырлар юбилейлік медальға ие болды.
1973 жылы тамызда мектеп орта мектепке айналды.Бала саны 500-ден асты. Мұғалімдер саны 29-ға жетті.
1978
жылы қыркүйекте "Балтакөл" мектеп-интернатын аудан орталығына
көшіруге байланысты мектеп оқушылары көбейіп, 860-тан асты.Мұғалімдер
саны 68-ге жетті.Сабақтар пәндік кабинеттерде өтіле бастады.
Мектепте спорттық бөлме мен жаңа заманға сай еңбек шеберханасы ,
асхана жұмыс жасады.
1994 жылы ақпан айында Асылбеков
Жақсыбек мектеп директоры болып сайланды.Мектепте 91 мұғалім 834
оқушы, 33 класс комплектісі болды.
1996 жылы мектепте 7
мұғалім "Білім озаты" төсбелгісімен марапатталды. Мектеп мұғалімі
Досанова Мәлике "Отырар ауданының құрметті азаматы" атағын алды.
1998 жылы мектепте компьютер класы ашылды.
2003 жылы мектеп аудан бойынша "Үздік мектеп" атағын жеңіп алды.
2004
жылы 18 мамырда Нақыпов Шеріпбек директор болып қызмет атқарды.
Мектепте 27 класс комплектісі, 4 мектепалды даярлық тобы, барлығы
705 оқушы болды.
2005 жылы мектепте мультимедиа кабинеті жұмыс істей бастады.
2008 жылы 1 интерактивті тақта, 2009 жылы 5 интерактивті класс жұмыс істей бастады.
2009
жылы тамыз айында мектеп директоры болып Ернішев Әлібек басшылық
жасады. Мектепте 24 класс комплектісі 458 оқушы, 4 даярлық тобында 80
бала білім мен тәрбие алды.Мұғалім саны 92-ге жетті.
2012
жылы қыркүйек айынан бастап Байтұрсын Бейсенбек мектеп директоры
болып жұмыс жасауда. Мектепте 24 класс комплектісінде 458 оқушы, 3
даярлық тобында 60 бала тәрбиеленуде. 2017 жылы Асилбеков Айтбек Бейсенбекұлы мектеп директоры болып сайланды. 2018/2019 оқу жылында мектепте 503 оқушы білім алуда.